| 30/12/09 今日既主題曲係sorry sorry 我對唔住好多人呀sorry呀 本身個plan好好架 一早出去megabox溜完冰再返返黎同7s打邊爐 點知溜完冰超唔舒服 個感覺勁奇怪 最終吽下吽下終於嘔到 仲要大街大巷係megabox門口嘔 sorry呀mango要你一路陪住我 嘔左一大咋液體之後真係好好多 但真係嘔埋個靈魂出黎咁 成身軟賴賴冇哂力 sorry呀搞到咁掃興要你地同我一齊返屯門 sorry呀朱波sorry呀7s我黎唔到個gathering 一返到屋企即訓 訓完起身個人都仲係冇力 食左少少粥又訓返 點知又訓下醒下 又有些少發燒 老爸老媽返黎比藥我食 今朝六點又頂唔順起身坐左勁耐 一訓係度就覺得個胃啲野想湧出黎咁 仲有好多胃氣 而家真係好返好多 希望唔好再黎料喇 不過驚左食野同飲水囉 好似食咩都會嘔返出黎咁
31/12/09 最後一次係個日期度打09喇 結果係我同2007戈陣一樣 都係病住咁過 點解咁既呢 真係要quote返戈陣時篇entry 「真係蒙面超人撞鬼 不嬲勁健壯既我無lala病左」 我都唔得閒打返啲咩回顧喇 我淨係知今年其實係開心既一年 我面對左好多不同既事 賺左第一個10K 但又應該洗凸左10K 放榜係唔開心 不過讀HKCC係開心 屋企係有啲唔開心 不過朋友係超開心 今年確實係我個社交圈子不停擴大既一年 識到好多新朋友( HKCC, c!tysuper ) 亦都同好多老朋友熟絡返 就咁多喇 祝大家Happy new year~ |
| |
| 25/12/09 Merry Christmas! 又係joy to the world既時候喇 不過真係勁kai囉 係聖誕主要戈兩日我都冇野做囉 前後就大把 呢幾日內我增添左成三四百張相 而主要既活動都係on9跳 多! 好多謝你咁期待我地個on9跳活動!! 12月21日 為左Miffy去harbour city仲見到容joey with dorothy!!  
12月22日 為左hello kitty去青衣城 
返返良景call哂成班人黎9吹 
晚上仲黎左個前所未有咁激烈既活動 就係踏上良景戈個舞台不停較自拍mode影跳既相 開始左我地個on9跳生涯 
(其實我好想post戈張架! 不過再post我驚楊善恒會喊) 12月23日 朝早返百周睇TQ下午搵林家寶整蛋糕夜晚又call返班人黎良景食宵夜 
yeah跳到哂喇終於 不過都係唔夠皮 去左球場再戰第二回合 
連我都想問一問 幾時會有第三彈出呢？ 12月25日 同楊善恒同連拍梁3個鐵真真既男子漢(<---copy from dorothy)真係無喇喇去左打邊爐 正日冇野搞 到最後有得食餐又抵又好食既邊爐補返數都幾好 果然係silent night holy night 終於捱過左呢個好令我呢啲孤兒寡婦尷尬既節日 yeah! 
yeah 我終於識影失焦波波喇 |
| |
| 19/12/09 
又係一考完試之後戈日就入camp 今次同HKCC既朋友仔去梅窩 開頭有少少擔心 因為本身決定要自己整野食 又可能會有體力勞動既活動 不過到最後比我地搞到變左個頹廢camp 哈哈哈我好開心架因為我既原意真係入去hea入去頹廢入去爆粗通頂 同大家嘻嘻哈哈玩返幾晚 要同好多人say sorry喇因為個camp好似好冇意義咁 成日屈係間屋入面打機打牌過埋啲頹爆既生活 但係真係好似話咁快就過哂三日兩夜 呢三日兩夜入面勁忘我 即係啲時間觀念錯哂咁 有鼻鼾聲既係日頭 有賽車聲麻雀聲人聲就係夜晚 雖然無無聊聊咁 但大家都玩到算盡興丫係咪先 唔爆粗既都係咁爆咯 十柒個人 啲床位真係好唔足夠 辛苦哂睡眠不足要坐係度訓 要訓地下 或者等人訓醒先去訓既朋友 
好開心可以打邊爐 呢煲邊爐真係好正（其餘幾餐都大排檔搞掂） 最後戈round烏冬超好食 辛苦哂幫手準備既朋友仔喇 
大ling 冇喇喇好想唱啲好澎湃既咩友情歲月歌 HEY DUDE （鎚個心口） sem break活動: coming soon... 係呀我放到成一月中先返學呀好心人唔該施捨幾日陪下細佬去玩喇 |
| |
| 12/12/09 爭STAT就考完exam喇 就可以放大假喇 撐住撐住撐住撐住撐住 琴日就送左黎喇 勁efficient 又話5-7日 點知2日搞掂 
不過呢搞到我頭都大埋 部電腦又廢 癱瘓咁既款 真係憫鬼死我 今日考完試返返黎屯門諗住買返個靚仔套比佢喇 點知冇個揀得落手 仲要買老媽既生日蛋糕加禮物 返到黎今晚戈餐仲幾大工程下 一個今朝四點幾先訓既人折騰到而家先有得抖呀真係PK 唉唔得頂唔緊 訓教 |
| |
| 9/12/09 好想要揮霍 我就是想揮霍 怎麼樣 岩岩終於解開左一個好大既心結 而家要全心全意落我個心理度 come on psycho give me a hug |
| |
